Græningjar í Finnlandi komnir með nýjan leiðtoga

Græningjar í Finnlandi hafa valið þingmanninn Touko Aalto sem nýjan formann flokksins. Hinn 33 ára Aalto hefur verið fulltrúi Mið-Finnlands á finnska þinginu frá árinu 2015.

Aalto tekur við stöðunni af Ville Niinistö sem bauð sig ekki fram til endurkjörs þar sem samkvæmt reglum Græningja getur formaður leitt flokkinn í sex ár að hámarki.

Græningjaflokkurinn hefur vaxið í formannstíð Niinistö og náði 12,5 prósent atkvæða í sveitarstjórnarkosningunum í apríl síðastliðinn.

Aalto hafði betur í formannskjörinu gegn Emma Kari.

Græningjar eru með fimmtán fulltrúa á 200 þinmanna þjóðþingi Finnlands.