Tuttugu drepnir í árás við útför í Kabúl

Tuttugu manns hið minnsta létu lífið og 35 særðust í árás sem gerð var við útför manns í afgönsku höfuðborginni Kabúl í dag. Al Jazeera greinir frá því að þrjár sprengjur hafi sprungið í útförinni.

Verið var að fylgja Mohammad Salem Izedyar, sonar varaforseta afganska þingsins, til grafar en hann var einn af fimm mönnum sem lést þegar til átaka kom milli mótmælenda og lögreglu í borginni í gær.  

Fjölmargir háttsettir stjórnmálamenn eiga að hafa verið viðstaddir útförina. Abdullah Abdullah, einn æðstu maður stjórnar Afganistan, er sagður hafa verið á staðnum, en talsmaður hans segir Abdullah hafa komist lífs undan.

Mótmælaaðgerðir hafa staðið yfir í Kabúl síðustu daga, eða frá því að níutíu manns fórust og fimm hundruð særðust í hryðjuverkaárás á miðvikudag.