Cech aðeins of ákafur á bassatrommunni

Petr Cech er fleira til lista lagt en að standa í markinu og verja skot frá mótherjum Arsenal.

Tékkinn þykir nefnilega liðtækur trommari og nýtir frítíma sinn til að lemja húðirnar.

Cech var aðeins of ákáfur á trommunum í gær, svo ákafur að hann gerði gat á bassatrommuna.

Cech birti mynd af þessu óhappi á Twitter undir yfirskriftinni: „Ég setti aðeins of mikinn kraft í þetta.“

Cech er sem áður sagði nokkuð flinkur trommari og hann hefur m.a. spilað með Roger Taylor, trommara Queen, eins og sjá má í myndbandinu hér að neðan.

Guess I put a little bit of power into it ...pic.twitter.com/REnDNho4tj

— Petr Cech (@PetrCech) May 3, 2017