Arsenal fjórum stigum frá Meistaradeildarsæti eftir sigur á meisturunum

Arsenal lyfti sér upp í 6. sæti ensku úrvalsdeildarinnar með 1-0 sigri á Leicester City á heimavelli í kvöld.

Eina mark leiksins var sjálfsmark Roberts Huth fjórum mínútum fyrir leikslok.

Arsenal er nú fjórum stigum frá Meistaradeildarsæti þegar liðið á sex leiki eftir.

Marten De Roon tryggði Middlesbrough afar langþráðan sigur á Sunderland. Lokatölur 1-0, Boro í vil.

Þetta var fyrsti sigur Boro á árinu 2017. Þrátt fyrir sigurinn er liðið sex stigum frá öruggu sæti.

Sunderland situr á botni deildarinnar með einungis 21 stig, 12 stigum frá öruggu sæti.