Viðar og félagar áfram á beinu brautinni

Viðar Örn Kjartansson var á sínum stað í byrjunarliði Maccabi Tel Aviv þegar liðið vann 0-1 útisigur á Maccabi Petah Tikva í ísraelsku úrvalsdeildinni í fótbolta í kvöld.

Þetta var fimmti sigur Viðars og félaga í síðustu sex leikjum.

Maccabi er í 2. sæti deildarinnar með 44 stig, fimm stigum á eftir toppliði Hapoel Be'er Sheva.

Barak Itzhaki skoraði eina mark leiksins á 60. mínútu.

Viðar fékk tvö færi til að skora eftir markið en tókst ekki að koma boltanum yfir línuna.