Liverpool og Everton mætast í enska bikarnum

Nágrannarnir úr Bítlaborginni, Liverpool og Evertion, drógust saman í enska bikarnum.

Dregið var í þriðju umferð ensku bikarkeppninnar í kvöld en það er fyrsta umferðin eftir að liðin í ensku úrvalsdeildinni koma inn í elstu keppni fótboltans.

Þriðja umferðin fer að vanda fram í byrjun janúar en leikdagar á þessu tímabili eru á helginni 6. til 7. janúar næstkomandi.

64 lið voru í pottinum þegar dregið var í þriðju umferðina í kvöld. 44 lið úr ensku úrvalsdeildinni og ensku b-deildinni og svo 20 lið sem komust áfram úr fyrstu tveimur umferðunum.

Fjögur af liðunum eru utan ensku deildakeppninnar en það eru AFC Fylde, Hereford, Slough og Woking.

Stórleikurinn er án efa viðureign Gylfa Þór Sigurðsson og félaga í Everton við nágrannanna í Liverpool en leikurinn fer fram á Anfield.  Liðin mætast einmitt í ensku úrvalsdeildinni um næstu helgi.

Það er erfitt verkefni hjá Jóhanni Berg Guðmundsson og félögum í Burnley sem fengu útileik á móti toppliði Manchester City.

Aron Einar Gunnarsson og félagar í Cardiff City fengu heimaleik á móti Mansfield.

Bikarmeistarar Arsenal heimasækja Nottingham Forest. Manchester United fær heimaleik á móti Derby County.

Hörður Björgvin Magnússon og félagar í  Bristol City fá útileik á móti úrvalsdeildarliði Watford.



Liðin sem mætast í 64 liða úrslitum ensku bikarkeppninnar 2017-18:

Ipswich - Sheff Utd

Watford - Bristol City

Birmingham - Burton

Liverpool - Everton

Brighton - Crystal Palace

Aston Villa - Woking eða Peterborough

Bournemouth - AFC Fylde/Wigan

Coventry - Stoke City

Newport County - Leeds Utd

Brentford - Notts County

QPR - MK Dons

Man Utd - Derby County

Bolton - Huddersfield

Port Vale/Yeovil - Bradford City

Nottingham Forest - Arsenal

Forest Green Rovers/Exeter City - WBA

Doncaster Rovers - Slough Town/Rochdale

Tottenham - AFC Wimbledon

Middlesbrough - Sunderland

Fleetwood/Hereford - Leicester

Blackburn/Crewe - Hull

Cardiff - Mansfield

Man City - Burnley

Shrewsbury - West Ham

Wolves - Swansea

Stevenage - Reading

Newcastle - Luton

Millwall - Barnsley

Fulham - Southampton

Wycombe - Preston

Norwich - Chelsea

Gillingham/Carlisle - Sheff Wed