Vilja fá bæði Defoe og Terry

Bournemouth vonast til að landa bæði Jermain Defoe og John Terry á frjálsri sölu í sumar. The Telegraph greinir frá.

Samningur Defoes við Sunderland fer væntanlega frá félaginu í sumar en það er fallið niður í ensku B-deildina.

Defoe, sem er 34 ára, skoraði 19 mörk í 31 leik þegar hann lék lánsmaður með Bournemouth tímabilið 2000-01. Þá lék hann með Eddie Howe, núverandi knattspyrnustjóra Bournemouth.

Terry, sem er 36 ára, yfirgefur Chelsea í sumar eftir rúmlega tveggja áratuga dvöl hjá félaginu.

Bournemouth vill fá báða þessa reynslubolta og er tilbúið að borga þeim í kringum 100.000 pund í vikulaun.

Bournemouth situr í 10. sæti ensku úrvalsdeildarinnar með 41 stig. Þetta er annað tímabil Bournemouth í ensku úrvalsdeildinni en liðið hélt sér einnig örugglega uppi í fyrra.