Ellefu manns fórust þegar þeir urðu undir tré á Madeira

Að minnsta kosti ellefu manns létu lífið og tugir særðust eftir að tré féll á hóp manna sem var saman kominn vegna trúarathafnar á portúgölsku eyjunni Madeira.

Breska ríkisútvarpið greinir frá því að tréð hafi fallið á þéttan hóp sem var saman kominn á torgi í úthverfi bæjarins Funchai. Tvö börn eru meðal hinna látnu.

Talið er að um eikartré sé að ræða sem var um tvö hundruð ára gamalt. Björgunaraðilar hafa verið á vettvangi frá því að atvikið átti sér stað og eru að sinna hinum særðu.