Enski boltinn

Sjáðu sturlað mark Emre Can | Myndband

Ingvi Þór Sæmundsson skrifar
Emre Can tryggði Liverpool sigur á Watford í ensku úrvalsdeildinni í gær með stórkostlegu marki. Lokatölur 0-1, Liverpool í vil.

Það stefndi allt í markalausan fyrri hálfleik en í uppbótartíma hans tók Can til sinna ráða.

Þegar tvær mínútur voru komnar fram yfir venjulegan leiktíma í fyrri hálfleik klippti hann boltann glæsilega í netið eftir sendingu frá Lucas Leiva.

Magnað mark hjá Þjóðverjanum og svo sannarlega eitt af mörkum tímabilsins í ensku úrvalsdeildinni.

Markið var líka afar mikilvægt en með sigrinum styrkti Liverpool stöðu sína í baráttunni um Meistaradeildarsæti.

Markið glæsilega hjá Can má sjá í spilaranum hér að ofan.

Enski boltinn

Tengdar fréttir

Klopp: Við þurftum smá heppni í kvöld

Jürgen Klopp, knattspyrnustjóri Liverpool, var sáttur eftir 1-0 útisigur á Watford í lokaleik 35. umferðar ensku úrvalsdeildarinnar í kvöld.

Mest lesið


Fleiri fréttir

Sjá meira


×

Mest lesið