Tólf marka leikur í Dortmund | Sjáðu öll mörk kvöldsins

Átta leikir fóru fram í riðlakeppni Meistaradeildar Evrópu í kvöld.

Tottenham er úr leik í E-riðli eftir 2-1 tap fyrir Monaco á útivelli.

Í hinum leik riðilsins gerðu CSKA Moskva og Bayer Leverkusen 1-1 jafntefli.

Monaco og Leverkusen eru komin áfram í 16-liða úrslit.

Það hafði enginn áhuga á að spila vörn þegar Dortmund fékk Legia Varsjá í heimsókn í F-riðli. Lokatölur 8-4, Dortmund í vil.

Marco Reus sneri aftur í lið Dortmund og minnti hressilega á sig, skoraði þrennu og lagði upp eitt mark til viðbótar. Aldrei hafa jafn mörg mörk verið skoruð í einum leik í sögu Meistaradeildarinnar.

Í hinum leik riðilsins vann Real Madrid 1-2 sigur á Sporting í Lissabon. Karim Benzema tryggði Evrópumeisturunum sigurinn með marki þremur mínútum fyrir leikslok.

Dortmund og Real Madrid eru komin áfram og mætast í hreinum úrslitaleik um efsta sætið í riðlinum á Santíago Bernabeu í næstu umferð.

Leicester tryggði sér sigur í G-riðli og sæti í 16-liða úrslitunum með 2-1 sigri á Club Brugge á heimavelli.

FC Köbenhavn og Porto gerðu markalaust jafntefli í hinum leik riðilsins.

FCK og Porto berjast um 2. sætið í riðlinum en Leicester er sem áður sagði komið áfram.

Juventus er komið með farseðilinn í 16-liða úrslitin eftir 1-3 sigur á Sevilla á útivelli í H-riðli.

Sevilla komst yfir með marki Nicolas Pareja á 9. mínútu. Heimamenn voru ósáttir við störf enska dómarans Marks Clattenburg í leiknum en hann rak Franco Vazquez af velli á 36. mínútu og dæmdi svo umdeilda vítaspyrnu á Sevilla í uppbótartíma fyrri hálfleiks. Claudio Marchisio skoraði úr vítinu.

Tíu leikmenn Sevilla héldu jöfnu fram á 84. mínútu þegar Leonardo Bonucci kom Juventus yfir með góðu skoti fyrir utan teig. Mario Mandzukic gulltryggði svo sigur ítölsku meistarana með marki í uppbótartíma.

Í hinum leik riðilsins vann Lyon Dinamo Zagreb á útivelli. Alexandre Lacazette skoraði eina mark leiksins.

Juventus og Sevilla eru komin áfram í 16-liða úrslit.

Úrslit kvöldsins:

E-riðill:

Monaco 2-1 Tottenham

0-1 Djibril Sidibé (48.), 1-1 Harry Kane, víti (52.), 2-1 Thomas Lemar (53.)

CSKA Moskva 1-1 Leverkusen

0-1 Kevin Volland (16.), 1-1 Bebars Natcho, víti (76.).

F-riðill:

Sporting 1-2 Real Madrid

0-1 Raphaël Varane (29.), 1-1 Adrien Silva, víti (80.), 1-2 Karim Benzema (87.)

Rautt spjald: Joao Pereira, Sporting (64.)

Dortmund 8-4 Legia

0-1 Aleksandar Prijovic (10.), 1-1 Shinji Kagawa (17.), 2-1 Kagawa (18.), 3-1 Nuri Sahin (20.), 3-2 Prijovic (24.), 4-2 Ousmane Dembélé (29.), 5-2 Marco Reus (32.), 6-2 Reus (52.), 6-3 Michal Kucharczyk (57.), 7-3 Felix Passlack (81.), 7-4 Nemanja Nikolic (83.), 8-4 Marco Reus (90+2.).

G-riðill:

Leicester 2-1 Club Brugge

1-0 Shinji Okazaki (5.), 2-0 Riyad Mahrez, víti (30.), José Izquierdo (52.)

FCK 0-0 Porto

H-riðill:

Sevilla 1-3 Juventus

1-0 Nicolas Pareja (9.), 1-1 Claudio Marchisio, víti (45+2.), 1-2 Leonardo Bonucci (84.), 1-3 Mario Mandzukic (90+4.).

Rautt spjald: Franco Vazquez, Sevilla (36.)

Dinamo Zagreb 0-1 Lyon

0-1 Alexandre Lacazette (72.).