Er þetta mesta klúður knattspyrnusögunnar?

Ótrúlegt atvik átti sér stað í úrslitaleik Spánverja og Frakka á U-19 Evrópumótinu um helgina en þá klúðraði Nahikari Garcia, leikmaður Spánverja, einhverju mesta dauðafæri sem sést hefur í boltanum.

Þegar atvikið átti sér stað var staðan 2-1 fyrir Frökkum og níutíu mínútur liðnar af leiknum. Markvörður Frakka varði boltann út í teig og var Garcia mætt til að hirða frákastið.

Það eina sem hún þurfti að gera var að renna boltanum í autt markið en á einhvern óskiljanlegan hátt setti hún hann framhjá. Frakkar unnu að lokum leikinn og mótið í leiðinni. 

Mikil bleyta var á vellinum og aðstæður erfiðar en samt sem áður var mjög erfitt að klúðra þessu færi en hér að neðan má sjá þetta ótrúlega atvik.

Le raté INCROYABLE de l'Espagnole, qui aurait pu égaliser sur cette action #EuroU19F #foot21 pic.twitter.com/dCxGv2UclI

— L'ÉQUIPE 21 (@lequipe21) July 31, 2016