Undirskriftasöfnun Kára Stefánssonar, forstjóra Íslenskar erfðagreiningar, á vefsíðunni Endurreisn.is er orðin sú fjölmennasta í Íslandssögunni. Alls hafa 83.682 skrifað undir þegar þetta er skrifað og krafist þess að Alþingi verji árlega ellefu prósentum af vergri landsframleiðslu til reksturs heilbrigðiskerfisins.
Áður hafði flestum undirskrifum verið safnað árið 2008 en sú söfnun beindist gegn beitingu breska ríkisins á hryðjuverkalögum gegn Íslandi. Þá skrifuðu 83.353 undir.
Miðað við lista á vefsíðunni Wikipedia, fylgja aðrar stórar undirskriftasafnanir langt á eftir þessum tveimur stærstu. Sú þriðja stærsta taldi 69.637 undirskriftir en þar lýsti fólk yfir vilja sínum til þess að halda Reykjavíkurflugvelli í Vatnsmýrinni.
Kári slær Íslandsmetið í undirskriftasöfnun
Tengdar fréttir
Undirskriftirnar orðnar áttatíu þúsund
Söfnunin nú staðið yfir í fimm vikur.
Kári nálgast Íslandsmetið í undirskriftum
Vantar rúmlega tvö þúsund undirskriftir upp á.
Almannatengill vísar ásökunum Kára á bug
Karl Pétur Jónsson segist ekki vera agent á vegum ríkisstjórnarinnar.
Kári segir að Sigmundi verði „hent út á eyrunum við næstu kosningar“
Kári Stefánsson segir Sigmund Davíð Gunnlaugsson, forsætisráðherra, ekki hlusta á fólkið í landinu og vísar í orð hans á þingi í vikunni í óundirbúnum fyrirspurnartíma.
