Spennandi tilhugsun að vinna með Louis van Gaal

Manchester United gekk rétt í þessu frá sínum öðrum kaupum fyrir komandi leiktíð. Matteo Darmian skrifaði í dag undir fjögurra ára samning en hann kemur til liðsins frá Torina á Ítalíu.

Darmian er 25 ára gamall hægri bakvörður. Hann hefur spilað með Torina frá árinu 2011, lék 146 leiki og skoraði í þeim 5 mörk. Hann hefur einnig spilað 13 leiki fyrir ítalska landsliðið.

"Það er draumur að ganga í raðir Manchester United. Ég hef elskað þann tíma sem ég eyddi hjá Torino og mig langar að þakka félaginuog stuðningsmönnum þess fyrir allt sem þeir hafa gert fyrir mig.

Ég er viss um að þeir skilja það að þegar tækifæri gefst til að ganga í raðir stærsta félags í heimi kom var það eitthvað sem ég varð að stökkva á. Það er spennandi tilhugsun að vinna með þjálfara eins og Louis van Gaal, sem hefur afrekað mikið í fótbolta," sagði Darmian við undirritun samningsins í dag.

"Matteo er hægri bakvörður en samt mjög fjölhæfur. Hann getur líka leikið vinstra megin. Hann er sterkur varnarmaður og hefur hæfileika til að sækja sem er frábær eiginleiki og nauðsynlegur eiginleiki í úrvalsdeildinni.

Matteo er frábær viðbót við liðið. Ég er himinlifandi að geta boðið Matteo velkominn til félagsins og hlakka til að vinna með honum á næstunni," sagði Louis van Gaal þegar félagaskiptin voru staðfest.