Guerrero með þrennu í sigri Perú | Sjáðu mörkin

Paolo Guerrero skoraði þrennu þegar Perú tryggði sér sæti í undanúrslitum Suður-Ameríkukeppninnar með 3-1 sigri á Bólivíu í nótt.

Mörkin úr leiknum má í myndbandinu hér að neðan.

Þetta voru fyrstu mörk Guerreros í Suður-Ameríkukeppninni í ár en hann var markakóngur keppninnar fyrir fjórum árum.

Þetta er í annað sinn í röð sem Perú kemst í undanúrslit Suður-Ameríkukeppninnar en liðið vann til bronsverðlauna í Argentínu fyrir fjórum árum.

Guerrero kom Perú yfir á 20. mínútu með skalla eftir fyrirgjöf Juans Manuel Vargas frá vinstri.

Guerrero var aftur á ferðinni aðeins þremur mínútum síðar þegar hann skoraði sitt annað mark eftir góða skyndisókn og sendingu Christians Cueva inn fyrir vörn Bólivíu.

Staðan var 2-0 í hálfleik og fram á 74. mínútu þegar Guerrero fullkomnaði þrennu sína eftir skelfileg mistök hjá Danny Bejarano, varnarmanni Bólivíu.

Marcelo Moreno minnkaði muninn í 3-1 úr vítaspyrnu á 84. mínútu en nær komst Bólivía ekki.

Perú mætir Chile, gestgjöfum mótsins, í undanúrslitunum.