Fær Harry Redknapp starf í Slóveníu?

Harry Redknapp er líklegur til að verða næsti þjálfari slóvenska liðsins Olimpija Ljubljana samkvæmt frétt hjá Guardian.

Harry Redknapp hefur verið atvinnulaus síðan að hann hætti sem knattspyrnustjóri Queens Park Rangers í janúar.

Olimpija Ljubljana hefur verið án þjálfari síðan að Marijan Pusnik hætti með liðið fyrir tveimur vikum.

Milan Mandaric, fyrrum eigandi ensku liðann Portsmouth, Leicester og Sheffield Wednesday, er nú eigandi slóvenska liðsins og ætlar að leita til hins 68 ára gamla Harry Redknapp.

Ráðning Redknapp myndi koma á óvart því það fór ekki alltof vel á með þeim Mandaric þegar Mandaric átti Portsmouth og Harry var knattspyrnustjóri liðsins. Það samstarf endaði með því að Harry Redknapp sagði upp.

Harry Redknapp á að baki farsælan feril í ensku úrvalsdeildinni þar sem hann stýrði Bournemouth, West Ham United, Portsmouth, Southampton, Tottenham Hotspur og svo síðast Queens Park Rangers.

Harry Redknapp er þó ekki sá eini sem hefur verið orðaður við slóvenska toppliðið. Juande Ramos, fyrrum stjóri hjá Tottenham og Real Madrid, er einnig á listanum eins og þeir Felix Magath, Ciro Ferrara, Raddy Antic og Christoph Daum.

Það er ljóst á þessu að Milan Mandaric ætlar að fá þekkt nafn til að taka við Olimpija-liðinu.