Hægt að greina ebólu á korteri

Nú verður hægt að greina ebóluveiruna með mun skjótari hætti en áður. Niðurstaðna verður því að vænta á fimmtán mínútum í stað sólarhrings.

Alþjóðaheilbrigðisstofnunin samþykkti á dögunum eins konar hraðpróf, sem þróað var af US company Corgenix. Prófið er þó ekki eins nákvæmt og hefðbundnar blóðprufur. Kosturinn við það er sá að ekki þarf að senda það til greiningar á rannsóknarstofu líkt og áður og telur stofnunin þetta lið í baráttunni gegn veirunni. Þá er það sagt afar auðvelt í notkun og þarfnast ekki rafmagns og mun það því nýtast vel á fjarlægum svæðum.

Talsmaður WHO sagði í samtali við BBC að þrátt fyrir einhverja ónákvæmni muni það gera heilbrigðisstarfsfólki kleift að meðhöndla hina sýktu á mun skemmri tíma en áður. Rannsóknir hafa sýnt fram á 92 prósent árangur.