Árekstur þyrlanna náðist á myndband - Myndband

Myndband náðist af því þegar tvær þyrlur skullu saman á flugi í Argentínu í gær. Tíu manns létust í slysinu og þar á meðal þrjár franskar íþróttastjörnur. Fólkið var við upptökur á raunveruleikaþætti þegar slysið átti sér stað.

Allir sem voru í þyrlunum tveimur létu lífið. Átta Frakkar og tveir argentínskir flugmenn.

Sjá einnig: Franskar íþróttastjörnur létust í þyrluslysi í Argentínu.

Verið var að taka upp vinsælan raunveruleikaþátt, Dropped, sem gengur út á að skilja frægt fólk eftir úti í óbyggðum og láta það bjarga sér til baka af eigin rammleik.