Gífurlegt tjón eftir skýstrók í Texas

Tuttugu og níu manns hafa farist í óveðrum í Bandaríkjunum í þessari viku þar af ellefu á síðasta sólarhring þegar skýstrókur gekk yfir norðurhluta Texas ríkis. Íbúar lýsa því þannig að á örfáum sekúndum hafi orðið brjálað veður og áður en það vissi af sá það upp í himininn úr stofunni heima hjá sér.

Gífurleg eyðilegging fylgdi skýstróki sem gekk yfir norðurhluta Texas í gærkvöldi og nótt. Bílar tókust á loft og fuku út af þjóðvegum eða inni í miðjum bæjum. Heilu húsin splundruðust eða fuku af grunnum sínum og tré rifnuðu upp með rótum og fuku langar leiðir. Stormurinn sem fylgdi skýstróknum kom skyndilega og kom íbúm algerlega á óvart hvað eyðileggingin gekk hratt fyrir sig.

Martha King kennari í bænum Rowlett í Texas segir eyðilegginguna hafa tekið nokkrar sekúndur.

„Ég trúi ekki hvað mikil eyðilegging átti sér stað á innan við 30 sekúndum en mér leið eins og þetta hafi tekið eilífð. Þetta er hræðilegt,“ sagði Martha áður en hún brast í grát við tilhugsunina um börnin sem hún kennir.

„Fyrirgefðu en ég á krakka hér í hverfinu sem hafa misst húsin sín. Okkar hús stendur enn. Ég trúi þessu ekki. Mér hefði aldrei dottið í hug að ég ætti eftir að upplifa annað eins. Þetta er alger martröð,“ sagði Martha og grét sáran.

Jim Shelton íbúi í Rowlett segir hljóðið frá skýstróknum hafi minnt hann á hljóðið í flutningalest.

„En skyndilega ... þú veist og við öll í nágrenninu reyndum að komast í skjól en 15 sekúndum síðar var þetta yfirstaðið og það næsta sem ég vissi var að ég var kominn með himininn yfir eldhúsið hjá mér,“ segir Jim.

Óvenju margir og harðir stormar hafa gengið yfir suðurríki Bandaríkjanna áþessu hausti. Tuttugu og níu manns hafa farist í óveðrum í vikunni sem var að líða.

Furðulegustu hlutir fóruáflug

Þar af létust tíu í Mississippi og sex í Tennessee. Fyrr í mánuðinum fóru tuttugu hvirfilbylir yfir Mississippi ríki en yfir fimmtíu slösuðust íþeim og 400 heimili eru mikið skemmd eða ónýt eftir þá. Ellefu manns fórust í skýstróknum í Texas í gær eða í slysum sem rekja má til hans.

Michael Landers íbúi í sama bæ líkur veðrinu við sprengingu.

„Þegar ég kom síðan út, eins og þú sérð, þá er ég kominn með fjandans kajak í bílskúrinn. Ég á ekki kajak og svo er ég kominn með baðkar upp á jeppann. Hvernig gat það gerst? Það standa trjágreinar út úr veggjunum hjá mér,“ sagði Michael, hálf undrandi á öllu saman.