Netárásir Norður-Kóreu gætu rústað borgum eða fellt fólk

Norður-Kórea hefur yfir að ráða tölvuþrjótum sem eru færir um lama mikilvægar stofnanir, fyrirtæki og að bana fólki með árásum sínum. Þetta segir prófessor sem náði að flýja landið í samtali við BBC.

Í rúm tuttugu ár kenndi Kim Heung-Kwang tölvunarfræði í háskólanum í Hamheung Computer Technology University áður en hann náði að flýja landið árið 2004. Stór hluti nemenda hans er nú partur af tölvuþrjótahópnum Bureau 121. Hópurinn er talinn starfa frá Kína og er talinn standa að baki fjölda árása. Þar má nefna árásina á Sony auk fleiri sem beint var að bönkum og kjarnorkuverum nágrannaríkisins í suðri.

„Fjöldi nethermanna ríkisins hefur margfaldast og nú eru þeir um 6.000. Á milli tíu og tuttugu prósent af fjármagninu sem fer í herinn fer í netárásir. Verstu árásirnar gætu haft svipuð áhrif og árásir með sprengjum og byssum, borgir gætu eyðilaggst og fólk látist,“ segir Kim.

Fyrr á árinu réðust Norður-Kóreumenn á kjarnorkuver í Suður-Kóreu. Kim segir að þar hafi hurð skollið nærri hælum því ef þrjótarnir hefðu náð stjórn á kjarnaofninum sjálfum hefði voðinn verið vís.