Alfreð Finnbogason er ekki í náðinni hjá tyrkneskum knattspyrnuáhugamönnum eftir færslu sem hann birti á Twitter-síðunni sinni í gær.

Alfreð birti mynd af auglýsingaskilti sem búið var að koma fyrir hjá hóteli Íslands í Reykjavík. Þar segjast stuðningsmenn hollenska liðsins einnig vera stuðningsmenn Íslands.

Holland þarf að treysta á að Ísland vinni Tyrkland hér í Konya á morgun til að eiga möguleika á að komast í umspil fyrir EM 2016. Til þess þarf Holland að vinna Tékkland á sama tíma.

Viðbrögðin voru sterk og stuðningsmenn óhræddir við að hóta Alfreð öllu illu, eins og lesa má á Twitter-síðu hans. Tyrkneskir fjölmiðlar gera einnig mikið úr málinu eins og sjá má hér.