Rodgers: Ég er vonsvikinn og svekktur

Liverpool tókst ekki að komast á sigurbraut í ensku úrvalsdeildinni í dag eftir tapið gegn Manchester United í síðustu umferð.

Liverpool gerði 1-1 jafntefli á heimavelli gegn nýliðum Norwich eftir að komast yfir með fyrsta marki Danny Ings, en Liverpool er nú án sigurs í síðustu fjórum leikjum liðsins.

„Ég er vonsvikinn og pirraður vegna úrslitanna. Mér fannst við, sérstaklega í fyrri hálfleik, vera að spila betur og sýna góða takta,“ sagði Rodgers eftir leikinn.

„Við vorum ekkert sérstakir í fyrri hálfleik. Við komumst í fínar stöður en það vantaði betri hreyfingu á síðasta þriðjungi vallarins. Það var betra í seinni hálfleik.“

„Danny Ings var frábær þegar hann kom inn á. Hann pressar vel og það sást hversu góður hann er fyrir framan markið þegar hann skoraði. Markið var gott en við misstum einbeitingu,“ sagði Brendan Rodgers.