Athöfnin í Mekka heldur áfram

Yfirvöld í Íran hafa gagnrýnt Sádi-Arabíu harðlega eftir að minnst 717 pílagrímar létu lífið í troðningi í Mecca í gær. Minnst 863 slösuðust við Jamarat súlurnar. Pílagrímar kasta steinum í súlurnar sem tákna djöfulinn, en talið er að þar hafi djöfullinn freistað spámanninum Abraham.

Um tvær milljónir pílagríma frá rúmlega 180 löndum tóku þátt í athöfninni, sem er nú byrjuð aftur. Þó taka mun færri þátt í athöfninni.

131 Írani lét lífið og hafa yfirvöld þar brugðist reiðilega við. Sádar segja pílagríma ekki hafa fylgt fyrirmælum og Salman, konungur Sádi-Arabíu hefur farið fram á að öryggisgæslan verði rannsökuð.

Fyrir níu árum létu 364 lífið vegna troðnings við athöfnina, en síðan þá hefur miklu fjármagni verið varið í að bæta svæðið. Árið 1990 létu 1.426 manns lífið í troðningi.

AFP fréttaveitan ræddi við Aminu Abubakar, frá Nígeríu, sem tók þátt í athöfninni. Hann segir að pílagrímarnir hafi ekki haft pláss til að forðast troðninginn.

Abubakar segir einnig frá því að börn hafi verið troðin undir og að foreldrar hafi reynt að kasta börnum upp á þök tjalda og húsa.