Adebayor ætlað að leysa Benteke af hólmi

Aston Villa hefur hafið viðræður við Tottenham um kaup á framherjanum Emmanuel Adebayor. Þetta kemur fram á heimasíðu ESPN en honum er ætlað að fylla í skarð Christian Benteke sem er við það að ganga til liðs við Liverpool.

Talið er líklegt að gengið verði frá sölunni á Benteke til Liverpool á næstu dögum en hann mun kosta þá rauðklæddu 32,5 milljónir punda.

Adebayor kom lítið við sögu á síðasta tímabili í ensku úrvalsdeildinni eftir að Harry Kane sló óvænt í gegn í liði Tottenham. Rataði hann helst í fréttirnar fyrir furðulegar fréttir um líf hans utan vallar.

Sherwood virðist þó vera tilbúinn að gefa honum annað tækifæri en undir stjórn Sherwood sýndi Adebayor frábæra takta seinni hluta tímabilsins 2013-2014.