Christian Benteke á leið í læknisskoðun hjá Liverpool

Liverpool og Aston Villa hafa komist að samkomulag um kaup fyrrnefnda liðsins á belgíska framherjanum Christian Benteke. Þetta kemur fram á vef Guardian.

Í samningi Benteke mátti finna klásúlu um að Birmingham liðið yrði að samþykkja tilboð í hann sem næmu 32,5 milljónum punda. Liverpool mun greiða helming upphæðarinnar um leið dreifa hluta þess niður á lengra tímabil.

Hinn 24 ára Benteke mun gangast undir læknisskoðun annað kvöld eða í morgunsárið á þriðjudag. Nýju liðsfélagar hans eru sem stendur á ferðalagi um Asíu og mun Benteke ekki hitta þá á miðri leið heldur bíða þeirra á Englandi þar til þeir snúa aftur.

Benteke kom til Aston Villa frá Genk í heimalandinu árið 2012 og lék hundrað leiki á tíma sínum með liðinu auk þess að skora 49 mörk. Hann er annar lykilmaðurinn sem Aston Villa missir fyrir komandi tímabil en áður hafði Fabian Delph gengið til liðs við Manchester City.