Jóhann Berg fékk nýjan samning við Charlton

Jóhann Berg Guðmundsson hefur ákveðið að taka tilboði enska B-deildarfélagsins Charlton um nýjan samning sem gildir til næstu fjögurra ára. Þetta kemur fram á heimasíðu félagsins.

Jóhann Berg kom til Charlton í fyrra og skrifaði þá undir tveggja ára samning. Hann sló í gegn á sinni fyrstu leiktíð í Englandi og skoraði ellefu mörk, þar af mörg hver stórglæsileg.

„Þetta er virkilega góð tilfinning,“ sagði hann í viðtali sem birtist á heimasíðu Charlton í morgun. „Við höfum átt í viðræðum síðustu mánuðina. Nú er þetta búið og ég get einbeitt mér að því að hjálpa liðinu að hefja nýja tímabilið af krafti.“

„Við viljum byggja upp lið til framtíðar og ég er hluti af því,“ sagði Jóhann Berg sem hafði verið orðaður við nokkur lið í ensku úrvalsdeildinni.

#FourMoreYears | @Gudmundsson7 has signed a new four-year deal at The Valley --> http://t.co/BZuaFjjuPU #cafc pic.twitter.com/D4aaj8Z2Wd

— Charlton Athletic FC (@CAFCofficial) July 22, 2015