Stuðningsmenn sem baula á hann eru heimskir

Samir Nasri hefur komið nýjasta liðsfélaga sínum hjá Manchester City, Raheem Sterling, til varnar eftir að baulað var á hann í fyrsta æfingarleik sínum sem leikmaður Manchester City.

Er þetta ekki í fyrsta sinn sem baulað er á Sterling í sumar en hann gekk til liðs við Manchester City frá Liverpool á dögunum. Var einnig baulað á hann þegar hann lék fyrir enska landsliðið gegn Írlandi í Dublin í síðasta mánuði.

Voru stuðningsmenn Liverpool afar ósáttir með hegðun Sterling á meðan ferlinu stóð en hann sagðist vilja fara frá félaginu til þess að vinna titla og að engin fjárhæð gæti fengið hann til að framlengja samning sínum hjá Liverpool.

„Ég lenti í þessu sama þegar ég gekk til liðs við Manchester City frá Arsenal. Það eru alltaf heimskir aðdáendur í stúkunum sem eiga erfitt með að sætta sig við hlutina, hann er leikmaður Manchester City í dag og þeir ættu að virða ákvarðanir hans. Hann þarf einfaldlega að sýna heiminum hvað hann getur og þá þaggar hann niður í þeim en ef hann er í vandamálum með þetta get ég vonandi hjálpað honum.“