Fabian Delph mun ekki fara til Manchester City

Fabian Delph hefur sent frá sér yfirlýsingu þess efnis að hann muni neita Manchester City og vera áfram í herbúðum Aston Villa en það var talið nokkuð víst að hann myndi ganga í raðir City-liðsins.

"Ég er ekki að yfirgefa Aston Villa. Ég mun vera hér áfram og ég get ekki beðið eftir að byrja nýtt tímabil," segir í yfirlýsingunni.

Delph er fyrirliði Aston Villa og hann skrifaði undir fjögurra og hálfs árs samning við Villa í janúar sl. Í gær bárust fréttir af því að Delph væri við það að skrifa undir hjá City en nú hefur hann tekið af allan vafa.