Khan hyggst kaupa Tottenham og spila heimaleiki Jacksonville Jaguars á White Hart Lane

Pakistanski auðjöfurinn Shahid Khan hyggst selja Fulham og kaupa Tottenham. Fyrir á hann bandaríska ruðningsliðið Jacksonville Jaguars en hann hyggst færa Jaguars-liðið yfir Atlantshafið og spila heimaleikina í London.

Auðæfi Khan eru metin á um 615 milljarða íslenskra króna en hann keypti Fulham á sínum tíma fyrir um 30 milljarða króna.

Verðgildi liðsins hefur hrapað á þeim frá því hann keypti það en nú hyggst hann selja Fulham og er með áætlanir um að kaupa Tottenham fyrir 205 milljarða í staðinn.

Breska blaðið Evening Standard greinir frá því að Khan áætli að færa Jacksonville Jaguars yfir Atlantshafið og gera framtíðar heimavöll Tottenham að heimavelli Jaguars.

"Samkvæmt Evening eru þessar áætlarnir á frumstigi. En fyrstu skrefin hafa þó verið tekin," er haft eftir heimildarmanni.

Tottenham stefnir á byggingu nýs heimavallar sem tekinn verður í notkun árið 2018 og nú þegar hefur verið ákveðið að tveir leikir á ári í NFL deildinni í amerískum fótbolta fari fram á vellinum frá 2018 til 2028.

Áætlanir Khan ganga hins vegar enn lengra og enn á eftir að koma í ljós hvort stjórn NFL muni nokkurn tímann samþykkja þessa hugmynd.