Silva vill að tekið verði upp vetrarhlé í ensku úrvalsdeildinni

David Silva, leikmaður Manchester City, segir að vetrarhlé myndi henta ensku úrvalsdeildinni fullkomalega og að það myndi jafnframt hjálpa enska landsliðinu.

Silva telur að þétt leikjadagskrá í desember og janúar stuðli að aukinni pressu, bæði líkamlegri og andlegri, hjá leikmönnum í efstu deild.

"Ef til vill ætti ekki að spila á Englandi í desember. Það væri fullkomið. Ég veit að það er hefð fyrir því að spila þétt á þessum tíma. En það væri gott að geta eytt jólunum með fjölskyldunni," segir Silva.

England hefur ekki unnið titil á stórmóti síðan 1966 þegar liðið varð heimsmeistari á heimavelli. Silva segir að England hafi á góðu liði að skipa. Hann telur hins vegar að finna þurfti rétta formúlu og að vetrarhlé gæti spilað þar inn í.