Arsenal og Liverpool hafa bæði rætt við Milner

James Milner er eftirsóttur þessa dagana og ætti að fá fínan samning í sumar.

Samningur hans við Man. City er að renna út í lok þessa mánaðar og honum er því frjálst að fara hvert sem er.

Man. City hefur áhuga á að halda honum og hefur boðið honum nýjan samning með kauphækkun. Það gæti þó ekki dugað því hann vill spila meira. Milner var í byrjunarliði City í 18 leikjum af 32 á nýliðinni leiktíð.

Arsenal og Liverpool eru á meðal þeirra liða sem hafa áhuga og samkvæmt heimildum Sky Sports hefur hann þegar rætt við bæði félög.