Sterling vill komast burt frá Liverpool segir BBC

BBC heldur því fram í kvöld að Raheem Sterling ætli að fara fram á sölu frá Liverpool í sumar.

Sterling hefur þegar afþakkað nýjan samning sem átti að færa honum 100 þúsund pund í vikulaun. Hann er samningsbundinn Liverpool til ársins 2017.

Liverpool hefur gefið það út að það ætli sér ekki að selja leikmanninn. Sama hvaða tilboð komi í hann. Það hefur þó oft reynst félögum erfitt að hafna stórum tilboðum og tala nú ekki um ef leikmaðurinn vill komast í burtu.

Sterling mun hitta forráðamenn Liverpool á föstudag og þar ætlar hann að fara fram á sölu samkvæmt BBC.

Liverpool vildi ekki tjá sig um málið.