Bann Jara stytt í tvo leiki

Refsing Gonzalo Jara, varnarmanni Síle, hefur verið milduð og leikbann hans stytt í tvo leiki.

Jara var settur í þriggja leikja bann fyrir að troða fingri í afturenda Edinson Cavani, sóknarmanni Úrúgvæ, í leik liðanna í 8-liða úrslitum Suður-Ameríkukeppninnar.

Cavani var rekinn af velli fyrir að slá til Jara en knattspyrnusamband mið- og suður-Ameríku, tók málið upp eftir kæru knattspyrnusambands Úrúgvæ.

Knattspyrnusamband Síle áfrýjaði lengd bannsins sem var svo stytt. Síle er komið í undanúrslit þar sem liðið mætir Perú en Jara verður í banni í þeim leik og þeim næsta, hvort sem það er úrslitaleikur mótsins eða leikurinn um þriðja sætið.

Jara verður þó orðinn gjaldgengur í lið Síle á ný þegar undankeppni HM 2018 hefst í Suður-Afríku.