Sunderland og Toronto skipta á Defoe og Altidore

Það styttist í endurkomu Jermaine Defoe í ensku úrvalsdeildinni í fótbolta, en samkvæmt frétt kanadíska íþróttamiðilsins TSN hafa Sunderland og MLS-liðið Toronto FC komist að samkomulagi um framherjaskipti.

Defoe, sem gekk í raðir Toronto í byrjun árs í fyrra, fer til Sunderland og í staðinn sendir enska liðið bandaríska framherjann Jozy Altidore til Toronto.

Altidore hefur verið mjög slakur í ensku úrvalsdeildinni og aðeins skoraði eitt mark í 42 leikju, en hann skoraði 15 mörk og gaf 5 stoðsendingar í 37 leikjum fyrir New York Red Bulls 2006-2008.

Defoe skoraði 11 mörk í 19 leikjum fyrir Toronto á síðustu leiktíð, en hefur viljað komast frá Kanada undanfarna mánuði eftir að þjálfari liðsins var rekinn sem og vinur hans; nýsjálenski miðvörðurinn Ryan Nelsen.

Það virðist nokkuð öruggt að Defoe endi í Sunderland, en þó er ekki víst að Altidore fari á endanum til Toronto þó liðið hafi komist að samkomulagi við Sunderland.

MLS-deildin gæti gripið inn í, en samkvæmt frétt TSN eru forráðamenn hennar sagðir efins um hvort þeir vilji hafa tvo af bestu leikmönnum bandaríska landsliðsins; Altidore og Michael Bradley, í sama liðinu.

Talið er að MLS-deildin vilji helst senda Altidore aftur til New York, en þar vantar aðra stjörnu eftir að Thierry Henry lagði skóna á hilluna. Svo gæti farið að Altidore endi í New York og Toronto fái þá pening fyrir Defoe sem það vill ekki. Það vill fá Jozy Altidore.