Stærsti fíll Keníu drepinn af veiðiþjófum

Satoa, stærsti fíll Kenía og einn af þeim stærstu í Afríku, var nýverið drepinn af veiðiþjófum. Hann hélt til í Tsavo þjóðgarðinum í norðurhluta landsins og er sagður vera einn af síðustu fílunum sem eru með skögultennur sem ná niður að jörðu.

Fílum Afríku stafar mikil ógn af veiðiþjófum en áætlað er að um 20 þúsund fílar hafi verið drepnir í fyrra. Það er þó fækkun frá síðustu tveimur árum þar á undan. BBC segir frá því að fílar sem verða fyrir barðinu á veiðiþjófum séu töluvert fleiri en fílar sem fæðast.

Skýrslu Cites um fíladráp og sölu á fílabeinum má sjá hér. Cites eru samtök sem halda utan um reglugerðir um verslun með yfir 35 þúsund plöntur og dýr í útrýmingarhættu.

Veiðiþjófar í einum elsta þjóðgarði Afríku, Garamba-garðinum í Kongó, hafa drepið sextíu og átta fíla á síðustu tveimur mánuðum. Jean-Marc Froment, þjóðgarðsvörður, segir í samtali við fréttavefinn NewsDaily að stríðsástand ríki í þessum einstaka, fimm þúsund ferkílómetra þjóðgarði. Talið að veiðiþjófarnir séu Kongómenn, líklega hermenn, í slagtogi við ódæðismenn frá Suður-Súdan.

Froment fullyrðir að veiðiþjófarnir skjóti fílana úr þyrlum áður en þeir saga skögultennurnar af þeim. Í sumum tilfellum er heilinn fjarlægður um leið ásamt kynfærum dýranna. Svo virðist sem að veiðiþjófarnir geri ekki greinarmun á fullvaxta fílum og afkvæmum þeirra.

Nýleg rannsókn á fílastofninum í Garamba-garðinum leiddi í ljós að stofninn hefur minnkað um tæplega tuttugu þúsund dýr á síðustu tveimur áratugum. Í dag er um tvö þúsund fílar í garðinum.

Árið í fyrra var í fyrsta sinn sem lagt er hald á meira magn af fílabeinum í Afríku, en í Asíu. Alþjóðleg glæpasamtök virðast koma að því að drepa fíla fyrir bein og smygla þeim um heim allan.

Þar munar miklu um betri löggæslu í löndum eins og Kenía, Tansaníu og Úganda og lækkandi eftirspurnar á lykilmörkuðum í til dæmis Kína. Þar í landi voru fílabein sem yfirvöld höfðu lagt hald á, eytt opinberlega í fyrsta sinn.

Þá hefur eftirspurn aukist eftir fílabeinum sem eru flutt út löglega frá Rússlandi. Það virðist gefa í skyn að meðvitund um slæmt ástand fílastofna sé að aukast.