Erlent

Assange sagður íhuga að gefa sig fram

Assange hefur dvalið í sendiráði Ekvador í London síðustu tvö árin þar sem hann sótti um og fékk pólitískt hæli.
Assange hefur dvalið í sendiráði Ekvador í London síðustu tvö árin þar sem hann sótti um og fékk pólitískt hæli. Vísir/AFP
Julian Assange, forsprakki uppljóstrunarsíðunnar Wikileaks gæti verið að búa sig undir að yfirgefa sendiráð Ekvadors í London, þar sem hann hefur verið í tvö ár.

Þetta fullyrðir Sky fréttastofan og bætir við að hann gæti verið að íhuga að gefa sig fram hjá lögreglu en Assange er eftirlýstur í Svíþjóð fyrir kynferðisbrot sem hann á að hafa framið gegn tveimur konum þar í landi.

Að sögn Sky er búist við að Assange haldi blaðamannafund nú innan stundar þar sem hann muni útskýra málið en hann er sagður við slæma heilsu.

Mest lesið


Fleiri fréttir

Sjá meira


×

Mest lesið