Þúsundir minnast franska kennarans

Í gær tóku nokkur þúsund manns, þar á meðal margar fjölskyldur nemenda, þátt í þögulli göngu til minningar um hina 34 ára gömlu Fabienne Terral-Calmels sem var stungin til bana í skólastofu sinni síðasta skóladag skólaársins.

Margir lögðu einnig leið sína í skólann þar sem atburðurinn átti sér stað og lögðu blóm við vegg skólans. 



Móðir nemenda hennar stakk kennarann til bana í viðurvist nemendanna í bænum Albi í Frakklandi í síðustu viku. Sú grunaða gerði tilraun til að flýja af vettvangi en var gripin tuttugu mínútum síðar í nágrenni skólans.