Grunur um ebólusmit í Danmörku

Maður hefur verið lagður inn á sjúkrahúsið í Hvidovre, úthverfi Kaupmannahafnar, til rannsóknar vegna gruns um ebólusmit.

Þetta staðfestir Torben Mogensen, talsmaður sjúkrahússins í samtali við danska ríkisútvarpið. „Ég vil einungis segja það að verið erum með sjúkling, sem við skoðum nú hvort sé með ebólu.“

Verkferlar sjúkrahússins vegar mögulegs ebólusmits voru settir í gang eftir að maðurinn sýndi einkenni ebólu, mældist með háan hita, auk þess að hafa nýverið verið í Vestur-Afríku þar sem útbreiðsla veirunnar hefur verið hvað mest.

Sjúklingnum er nú haldið í einangrun og er búist við að niðurstaða fáist í kvöld um hvort maðurinn sé í raun smitaður.

Þetta er annar sjúklingurinn sem lagður er inn á sjúkrahúsið í Hvidovre vegna gruns um ebólusmit. Karlmaður var lagður inn fyrir tveimur vikum en blóðprufur reyndust hins vegar neikvæðar.

Uppfært kl 12.05:

Að sögn danskra fjölmiðla er sá sem nú er haldið í einangrun starfsmaður Lækna án landamæra.