Erlent

Vara við fjölgun ebólusmitaðra

Samúel Karl Ólason skrifar
Hjálparstarfsmaður kennur ungum börnum í Síerra Leóne að bera kennsl á ebólusmitaða og að forðast smit.
Hjálparstarfsmaður kennur ungum börnum í Síerra Leóne að bera kennsl á ebólusmitaða og að forðast smit. Vísir/AP
Sóttvarnarstofnun Bandaríkjanna (CDC) segir að mögulegt sé að í janúar á næsta ári muni að minnsta kosti 1,4 milljónir manna hafa smitast af ebóluveirunni í Vestur-Afríku. Líklegra sé þó að talan verði mun lægri og þá sérstaklega ef smitvarnir verði auknar á næstunni.

Stofnunin kynnti í gær spár um mögulegar atburðarrásir varðandi faraldurinn, sem þó eru byggðar á tölum frá lokum ágústmánaðar. Því taka þær ekki mið af mikilli aukningu alþjóðlegrar hjálpar sem borist hefur í september.

„Ég er fullviss um að verstu spár okkar munu ekki rætast,“ sagði Dr. Tom Frieden, yfirmaður sóttvarnarstofnunarinnar í gær.

AP fréttaveitan segir að um 5.800 einstaklingar hafi smitast af Ebólu á hálfu ári og rúmlega 2.800 manns hafi látist. Alþjóðlegir hjálparstarfsmenn hafa þó varað við því að í raun sé faraldurinn verri en það. Að margir smitaðir hafi ekki stigið fram og enn eigi eftir að finnast fjöldi líka.

Um sjötíu prósent þeirra sem smitast af ebólu hafa dáið.

Alþjóðaheilbrigðisstofnunin (WHO) varaði einnig við því í gær að smituðum gæti fjölgað gífurlega á næstunni.


Tengdar fréttir

Höfuðborg Sierra Leóne eins og draugabær

Þriggja daga útgöngubann hófst í landinu í gær til að reyna að sporna við útrbreiðslu Ebólunnar sem hefur dregið rúmlega 2600 manns til dauða á árinu,

Obama segir ebólufaraldurinn ógn við heimsbyggðina

Barack Obama Bandaríkjaforseti sagði í ávarpi í gærkvöldi að ebólufaraldurinn í Vestur Afríku væri ógn við öryggi alls heimsins. Forsetinn var að útlista nýja áætlun þar sem gert er ráð fyrir því að um þrjúþúsund bandarískir hermenn verði sendir á sýktu svæðin til þess að aðstoða við smíði sjúkraskýla og ummönnun sjúklinga. Tæplega 2500 manns hafa nú látist í faraldrinum á þessu ári og talsmenn Sameinuðu þjóðanna tala um faraldur sem ekki eigi sinn líkan á síðari tímum.

Ebóla ógn við alþjóðlegt öryggi

Tala látinna fer sífellt hækkandi en frá því að veiran greindist fyrst í ársbyrjun hafa 2.630 orðið faraldrinum að bráð og 5.375 eru sýktir.

Útgöngubanni aflétt í Sierra Leone

Þriggja daga útgöngubannni sem sett var á í Afríkuríkinu Sierra Leone vegna ebólufaraldursins sem þar geisar er lokið. Yfirvöld segja að bannið hafi skilað árangri og að það verði ekki framlengt.

Mest lesið


Fleiri fréttir

Sjá meira


×

Mest lesið