Marklínutækni hafnað í Þýskalandi

Marklínutækni verður ekki innleidd í efstu tvær deildirnar í þýsku knattspyrnunni.

Félögin í efstu tveimur deildunum kusu um þetta. Atkvæðin skiptust jafnt á milli úrvalsdeildarfélaganna en aðeins þrjú af átján félögum í B-deildinni vildu samþykkja breytinguna.

Til þess samþykkja tillöguna hefði þurft tvo þriðju hluta atkvæðanna og er málið því ekki lengur til umfjöllunar í bili.

Marklínutækni hefur verið notuð í ensku úrvalsdeildinni í vetur og verður einnig til taks í heimsmeistarakeppninni í Brasilíu í sumar.

Mikið var fjallað um marklínutækni í haust þegar mark Stefan Kiessling, leikmaður Leverkusen, var dæmt gilt þrátt fyrir að boltinn hafi farið inn í gegnum hliðarnetið.