„Sögur sem ekki mega gleymast“

Sóley Eiríksdóttir fæddist í Reykjavík 1984 en ólst upp á Flateyri þar sem hún bjó ásamt fjölskyldu sinni þegar snjóflóðið féll í október 1995. Hún fannst á lífi eftir níu tíma bið undir snjónum en systir hennar, Svana, sem var átta árum eldri fannst látin nokkru síðar. 

„Þegar þú ert krakki á þessum aldri er svo mikið af sakleysinu tekið af þér þegar þú lendir í svona rosalegu áfalli,“ segir Sóley. Fjölskyldan flutti aldrei aftur til Flateyrar og Sóley átti ekki mikla samleið með nýju vinunum fyrir sunnan fyrst eftir flóðið. 

Sóley var svekkt yfir því að tyrft var yfir húsgrunnana sem eftir stóðu en þá ákvörðun skilur hún betur í dag. „Þetta var náttúrulega ekki hægt fyrir þá sá sem voru eftir að sjá svona rosalega stórt opið sár.“ Engu að síður er það hennar mat að minningu flóðsins væri hægt að halda á lofti með betri hætti á staðnum. Í flóðinu felist sögur og sagnfræði sem ekki megi gleyma, sögur sem hún skrásetti sjálf í B.A.-ritgerð sinni, Ískaldur veruleiki: Snjóflóðið á Flateyri 1995 í frásögnum heimamanna. 

Rætt var við Sóleyju í Íslandi í dag í kvöld.