Koeman og Pelle bestir í september | Myndbönd

Southampton hefur byrjað tímabilið í ensku úrvalsdeildinni vel, en liðið er í 3. sæti deildarinnar með 13 stig eftir sjö umferðir.

Í dag var Ronald Koeman útnefndur þjálfari september-mánaðar í ensku úrvalsdeildinni, en hann stýrði Dýrlingunum til sigurs í öllum þremur deildarleikjum þeirra í september.

Koeman kom til Southampton frá Feyenoord í sumar, líkt og ítalski framherjinn Graziano Pelle sem var valinn leikmaður september-mánaðar í úrvalsdeildinni.

Pelle skoraði þrjú mörk í jafn mörgum leikjum í september; tvö í 4-0 sigri á Newcastle United og eitt í 2-1 sigri á QPR. Pelle hefur alls skorað fjögur mörk í ensku úrvalsdeildinni.

Pelle var verðlaunaður fyrir frammistöðuna með sæti í ítalska landsliðinu, en hann lék sinn fyrsta landsleik gegn Möltu á mánudaginn þar sem hann skoraði eina mark leiksins.

Í myndböndunum hér að neðan má sjá viðtöl við verðlaunahafana.

Southampton mætir Sunderland í næsta leik sínum í úrvalsdeildinni á laugardaginn. Leikurinn hefst klukkan 14:00 og verður sýndur í beinni útsendingu á Stöð 3.

Congratulations to @SouthamptonFC's @GPelle19 and @RonaldKoeman on being named #BPL Player and Manager of the month. pic.twitter.com/iFnhILNKXH

— Barclays Football (@BarclaysFooty) October 17, 2014