Gabbaður af símaskúrki í nafni Dominos Kjartan Atli Kjartansson skrifar 28. ágúst 2014 11:47 Pétur var í skýjunum þegar hann hélt að hann hefði unnið miða á leikinn, enda mikill körfuknattleiksáhugamaður og leikurinn risastór í sögulegu samhengi. „Maður er bara rosalega ósáttur,“ segir Pétur Orri Gíslason sem fékk símtal í fyrradag úr símanúmeri Domino‘s þar sem honum var tjáð að hann hefði unnið miða á landsleik Íslands og Bosníu í körfubolta sem fór fram í gærkvöld. Pétur sem er mikill körfuboltaáhugamaður var mjög ánægður með að hafa unnið miða á leikinn. „Maður var alveg í skýjunum,“ segir Pétur, en uppselt var á leikinn. Þegar Pétur ætlaði að sækja miðann sem hann vann í gær kom í ljós að hann hafi aldrei unnið í leiknum. Þannig hafði einhver hringt í Pétur úr símanúmeri Domino‘s og logið að honum að hann hefði unnið í Facebook-leiknum. Pétur hafði samband við Domino‘s og rannsakar fyrirtækið nú málið. „Við erum búin að vinna í þessu síðan kvörtunin barst. Við erum í viðskiptum við Símann og þar eru menn búnir að vera að rekja símtalið. Okkur er tjáð að símtalið hafi ekki komið frá okkur. Við lítum þetta mjög alvarlegum augum og munum gera allt til að komast til botns í því,“ segir Anna Fríða Gísladóttir, markaðsfulltrúi fyrirtækisins. Svo virðist sem einhver hafi hringt Í Pétur í gegnum tölvu og náð, með einhverjum búnaði, að láta það líta út þannig að símanúmer Domino‘s hafi komið upp á númerbirtinn á síma hans.Maðurinn var ótrúlega sannfærandi Pétur sýndi blaðamanni farsíma sinn og í yfirliti yfir símtöl sem honum hafa borist sést greinilega að hann fékk símtal úr símanúmerinu 5812345, sem er símanúmer Domino‘s, um hálf níu á þriðjudagskvöld. Það var daginn fyrir leikinn mikilvæga. „Maðurinn sem ég talaði við var ótrúlega sannfærandi. Mér datt aldrei annað í hug en að ég hefði vissulega unnið í leiknum. Ég var spurður hvar ég vildi sækja miðann og ég bað um að sækja hann í Domino‘s í Kringlunni.“ Þegar Pétur mætti þangað í gær greip hann svo í tómt. Engir miðar voru þar. Hann skrifaði skilaboð á Facebook-síðu Domino‘s og rakti þar málið: „Þegar ég kom þangað [í Kringluna] áðan þá var mér sagt að þar væru engir miðar og þeir væru upp í Breiðholti á skrifstofunni. Þegar ég hringi svo í Domino‘s til þess að athuga þetta nánar þá fæ ég að tala við mann sem segir að ég hafi ekki unnið miðann.“ Nú voru góð ráð dýr. Þegar Pétur fékk að vita að hann vann ekki miðana voru tæpir tveir klukkutímar í leik Íslands og Bosníu. Pétri tókst þó, í gegnum krókaleiðir að ná í miða á leikinn. „Það hefði verið ömurlegt ef ég hefði misst af leiknum. Mér finnst þetta fyrst og fremst vera stórfurðulegt mál. Ég geri mér í raun enga grein fyrir því hvernig þetta getur gerst og bara skil þetta frekar illa,“ útskýrir Pétur Orri.Við viljum komast til botns í þessu máli Hjá Domino‘s eru menn jafn hissa og Pétur Orri yfir þessu máli. „Þetta er náttúrulega mjög alvarlegt mál,“ segir Anna Fríða Gísladóttir markaðsfulltrúi og bætir við: „Okkur þykir þetta ótrúlega leiðinlegt.“ „Við erum búin að vera í allan morgun að reyna að komast að því hvaðan símtalið kom og höfum fengið það staðfest frá Símanum að símtalið kom ekki frá okkur,“ útskýrir Anna. Sá sem hringdi í Pétur sagðist heita Sigmar, en að sögn Önnu er enginn Sigmar starfandi í símaveri fyrirtækisins. Það vekur óneitanlega athygli í málinu að sá sem hringdi hafði vitneskju um að Pétur Orri hafi tekið þátt í Facebook-leiknum. Anna segir að sér þyki það súrt að hafa ekki getað reddað Pétri miða á leikinn í gær. „Fyrirvarinn var bara of stuttur. Við hefðum auðvitað viljað að hann fengi miða frá okkur.“ Starfsmenn Domino‘s munu halda áfram að rannsaka málið. „Við kærum okkur ekki um að einhver sé að hringja og hrella viðskiptavini okkar. Okkur þykir þetta ótrúlega leiðinlegt. Við erum með þessa Facebook-leiki til að gleðja fólk og svona hrekkir gleðja engan.“ Mest lesið Vísbending um að flutningaskip hafi hvolft bátnum Innlent Fólk muni ekki borga 200 þúsund fyrir „heimili sem það notar sem sumarbústað“ Innlent Forsetavaktin 2024: Hver verður sjöundi forseti lýðveldisins? Innlent Miklar breytingar á fylgi fyrir kappræður Stöðvar 2 í kvöld Innlent „Blaut tuska í andlit Félags eldri borgara í Reykjavík“ Innlent Skikkar lögreglu til að rannsaka stjórn aðventista Innlent Skipstjórinn og tveir stýrimenn handteknir vegna sjóslyssins Innlent Fékk sting í hjartað þegar hann sá nafnið á bátnum Innlent Leigan fyrir 100 fermetra hús í Grindavík 62.500 á mánuði Innlent Ágreiningur innan stjórnarinnar brýst upp á yfirborðið Erlent Fleiri fréttir Viktor hvetur forsetaframbjóðendur til að sniðganga Stöð 2 Skipstjórinn og tveir stýrimenn handteknir vegna sjóslyssins Óvinnufær eftir harkalegt fall þegar strappur slitnaði Skipuð aðstoðarlögreglustjóri á höfuðborgarsvæðinu Valdimar Hermannsson nýr sveitarstjóri Vopnafjarðarhrepps Bjarni ætlar að geta Katrínar í formálanum Þórey í Konukoti hlaut mannréttindaverðlaun Reykjavíkur Nafnið Hroði of hroðalegt Fékk sting í hjartað þegar hann sá nafnið á bátnum Um 920 mál óafgreidd hjá kærunefnd útlendingamála Færa almannavarnastig niður á óvissustig vegna vatnslagnarinnar Fólk muni ekki borga 200 þúsund fyrir „heimili sem það notar sem sumarbústað“ Vísbending um að flutningaskip hafi hvolft bátnum Skikkar lögreglu til að rannsaka stjórn aðventista Sjóslys, Þórkatla og framtíð Play Kvikusöfnunin áfram stöðug Tóku niður íslenska svikasíðu með FBI Hafna tilboðum í áætlunarflug milli Reykjavíkur og Hornafjarðar Segir rangt að gjaldskylda á nagladekk sé í skoðun „Blaut tuska í andlit Félags eldri borgara í Reykjavík“ Vilja sinna Íslendingum á Spáni betur Dregið úr hrinunni við Sýlingarfell Slapp við meiðsli á höfði og hrygg Leigan fyrir 100 fermetra hús í Grindavík 62.500 á mánuði Manni bjargað úr sjónum í nótt eftir að bátur hans sökk Um 800 börn bíða eftir leikskólaplássi í Reykjavík Meinleysisgrey sem séu lífríkinu afar mikilvæg Sjö smáskjálftar við Sýlingarfell og Veðurstofan fylgist vel með „Þetta reddast“ voru fyrstu orðin sem hann lærði Lögreglan þurfi nauðsynlega auknar rannsóknarheimildir Sjá meira
„Maður er bara rosalega ósáttur,“ segir Pétur Orri Gíslason sem fékk símtal í fyrradag úr símanúmeri Domino‘s þar sem honum var tjáð að hann hefði unnið miða á landsleik Íslands og Bosníu í körfubolta sem fór fram í gærkvöld. Pétur sem er mikill körfuboltaáhugamaður var mjög ánægður með að hafa unnið miða á leikinn. „Maður var alveg í skýjunum,“ segir Pétur, en uppselt var á leikinn. Þegar Pétur ætlaði að sækja miðann sem hann vann í gær kom í ljós að hann hafi aldrei unnið í leiknum. Þannig hafði einhver hringt í Pétur úr símanúmeri Domino‘s og logið að honum að hann hefði unnið í Facebook-leiknum. Pétur hafði samband við Domino‘s og rannsakar fyrirtækið nú málið. „Við erum búin að vinna í þessu síðan kvörtunin barst. Við erum í viðskiptum við Símann og þar eru menn búnir að vera að rekja símtalið. Okkur er tjáð að símtalið hafi ekki komið frá okkur. Við lítum þetta mjög alvarlegum augum og munum gera allt til að komast til botns í því,“ segir Anna Fríða Gísladóttir, markaðsfulltrúi fyrirtækisins. Svo virðist sem einhver hafi hringt Í Pétur í gegnum tölvu og náð, með einhverjum búnaði, að láta það líta út þannig að símanúmer Domino‘s hafi komið upp á númerbirtinn á síma hans.Maðurinn var ótrúlega sannfærandi Pétur sýndi blaðamanni farsíma sinn og í yfirliti yfir símtöl sem honum hafa borist sést greinilega að hann fékk símtal úr símanúmerinu 5812345, sem er símanúmer Domino‘s, um hálf níu á þriðjudagskvöld. Það var daginn fyrir leikinn mikilvæga. „Maðurinn sem ég talaði við var ótrúlega sannfærandi. Mér datt aldrei annað í hug en að ég hefði vissulega unnið í leiknum. Ég var spurður hvar ég vildi sækja miðann og ég bað um að sækja hann í Domino‘s í Kringlunni.“ Þegar Pétur mætti þangað í gær greip hann svo í tómt. Engir miðar voru þar. Hann skrifaði skilaboð á Facebook-síðu Domino‘s og rakti þar málið: „Þegar ég kom þangað [í Kringluna] áðan þá var mér sagt að þar væru engir miðar og þeir væru upp í Breiðholti á skrifstofunni. Þegar ég hringi svo í Domino‘s til þess að athuga þetta nánar þá fæ ég að tala við mann sem segir að ég hafi ekki unnið miðann.“ Nú voru góð ráð dýr. Þegar Pétur fékk að vita að hann vann ekki miðana voru tæpir tveir klukkutímar í leik Íslands og Bosníu. Pétri tókst þó, í gegnum krókaleiðir að ná í miða á leikinn. „Það hefði verið ömurlegt ef ég hefði misst af leiknum. Mér finnst þetta fyrst og fremst vera stórfurðulegt mál. Ég geri mér í raun enga grein fyrir því hvernig þetta getur gerst og bara skil þetta frekar illa,“ útskýrir Pétur Orri.Við viljum komast til botns í þessu máli Hjá Domino‘s eru menn jafn hissa og Pétur Orri yfir þessu máli. „Þetta er náttúrulega mjög alvarlegt mál,“ segir Anna Fríða Gísladóttir markaðsfulltrúi og bætir við: „Okkur þykir þetta ótrúlega leiðinlegt.“ „Við erum búin að vera í allan morgun að reyna að komast að því hvaðan símtalið kom og höfum fengið það staðfest frá Símanum að símtalið kom ekki frá okkur,“ útskýrir Anna. Sá sem hringdi í Pétur sagðist heita Sigmar, en að sögn Önnu er enginn Sigmar starfandi í símaveri fyrirtækisins. Það vekur óneitanlega athygli í málinu að sá sem hringdi hafði vitneskju um að Pétur Orri hafi tekið þátt í Facebook-leiknum. Anna segir að sér þyki það súrt að hafa ekki getað reddað Pétri miða á leikinn í gær. „Fyrirvarinn var bara of stuttur. Við hefðum auðvitað viljað að hann fengi miða frá okkur.“ Starfsmenn Domino‘s munu halda áfram að rannsaka málið. „Við kærum okkur ekki um að einhver sé að hringja og hrella viðskiptavini okkar. Okkur þykir þetta ótrúlega leiðinlegt. Við erum með þessa Facebook-leiki til að gleðja fólk og svona hrekkir gleðja engan.“
Mest lesið Vísbending um að flutningaskip hafi hvolft bátnum Innlent Fólk muni ekki borga 200 þúsund fyrir „heimili sem það notar sem sumarbústað“ Innlent Forsetavaktin 2024: Hver verður sjöundi forseti lýðveldisins? Innlent Miklar breytingar á fylgi fyrir kappræður Stöðvar 2 í kvöld Innlent „Blaut tuska í andlit Félags eldri borgara í Reykjavík“ Innlent Skikkar lögreglu til að rannsaka stjórn aðventista Innlent Skipstjórinn og tveir stýrimenn handteknir vegna sjóslyssins Innlent Fékk sting í hjartað þegar hann sá nafnið á bátnum Innlent Leigan fyrir 100 fermetra hús í Grindavík 62.500 á mánuði Innlent Ágreiningur innan stjórnarinnar brýst upp á yfirborðið Erlent Fleiri fréttir Viktor hvetur forsetaframbjóðendur til að sniðganga Stöð 2 Skipstjórinn og tveir stýrimenn handteknir vegna sjóslyssins Óvinnufær eftir harkalegt fall þegar strappur slitnaði Skipuð aðstoðarlögreglustjóri á höfuðborgarsvæðinu Valdimar Hermannsson nýr sveitarstjóri Vopnafjarðarhrepps Bjarni ætlar að geta Katrínar í formálanum Þórey í Konukoti hlaut mannréttindaverðlaun Reykjavíkur Nafnið Hroði of hroðalegt Fékk sting í hjartað þegar hann sá nafnið á bátnum Um 920 mál óafgreidd hjá kærunefnd útlendingamála Færa almannavarnastig niður á óvissustig vegna vatnslagnarinnar Fólk muni ekki borga 200 þúsund fyrir „heimili sem það notar sem sumarbústað“ Vísbending um að flutningaskip hafi hvolft bátnum Skikkar lögreglu til að rannsaka stjórn aðventista Sjóslys, Þórkatla og framtíð Play Kvikusöfnunin áfram stöðug Tóku niður íslenska svikasíðu með FBI Hafna tilboðum í áætlunarflug milli Reykjavíkur og Hornafjarðar Segir rangt að gjaldskylda á nagladekk sé í skoðun „Blaut tuska í andlit Félags eldri borgara í Reykjavík“ Vilja sinna Íslendingum á Spáni betur Dregið úr hrinunni við Sýlingarfell Slapp við meiðsli á höfði og hrygg Leigan fyrir 100 fermetra hús í Grindavík 62.500 á mánuði Manni bjargað úr sjónum í nótt eftir að bátur hans sökk Um 800 börn bíða eftir leikskólaplássi í Reykjavík Meinleysisgrey sem séu lífríkinu afar mikilvæg Sjö smáskjálftar við Sýlingarfell og Veðurstofan fylgist vel með „Þetta reddast“ voru fyrstu orðin sem hann lærði Lögreglan þurfi nauðsynlega auknar rannsóknarheimildir Sjá meira