Hillary með gríðarlegt forskot

Hillary Clinton er eins og staðan er í dag langlíklegust til að verða útnefnd sem forsetaframbjóðandi demókrata í forsetakosningunum í Bandaríkjunum sem haldnar verða árið 2016.

Í nýrri könnun sem dagblaðið Washington Post og ABC fréttastöðin gerðu í sameiningu segjast 73 prósent demókrata og óháðra sem segjast líklega munu kjósa flokkinn, vilja sjá Hillary sem næsta forseta Bandaríkjanna. Aðrir líklegir frambjóðendur eru langt á eftir, og næstur kemur núverandi varaforseti, Joe Biden, með tólf prósent atkvæða.

Þetta mun vera mesta fylgi sem nokkur hefur mælst með í svipuðum könnunum miðlana, þegar svo langt er til kosninga.