Van Gaal: Einungis fjórir leikmenn meiddir

Louis van Gaal, stjóri United, segir að liðið verði að vinna fyrsta leik eftir landsleikjahlé. United mætir WBA á mánudagskvöld.

„Við erum einungis með fjóra leikmenn meidda núna sem er gott. Það eru engin vandamál með mennina sem eru að snúa til baka úr landsleikjum," sagði Van Gaal á blaðmannafundi.

„Í morgun þurftum við ekki að fá neinn úr varaliðinu á æfingu, það er plús."

„Við verðum að bíða og sjá hvernig við stillum upp liðinu. Við verðum að byrja á sigri eftir landsleikjahléið."

Hollendingurinn agaði segir að hann sé ekki ánægður með jafnvægið í liðinu, það er að segja varnarleikurinn verði að styrkjast. United liðið hefur fengið á sig tíu mörk í leikjunum sjö sem búnir eru.

„Mér finnst við ekki vera í eins góðu jafnvægi og ég vil. Ég er leiður að segja það, en það er sannleikurinn."