Róa frá Færeyjum á viku

Úthafsróðrarbáturinn Auður er lagður af stað til Íslands frá Færeyjum og er áætlað að lokaspretturinn taki um viku ef allt gengur upp. Þetta er talið vera í fyrsta skipti í Íslandssögunni sem báti er róið alla leiðina frá meginlandi Evrópu til Íslands en Auður reði í fyrra frá Noregi til Orkneyja og Færeyja.

Sjóleiðin milli Færeyja og Íslands er ríflega 240 sjómílur. Áætlaður lendingarstaður gæti breyst eftir straumum en áhöfn Auðar stefnir á að koma til hafnar á Höfn í Hornafirði eða Djúpavogi.

Áhöfnina síðasta legginn til Íslands skipa Kjartan Jakob Hauksson skipstjóri, Svanur Wilcox, Hálfdán Freyr Örnólfsson og Ingvar Ágúst Þórisson. Auður verður mögulega ekki eini litli báturinn á sjóleiðinni milli Færeyja og Íslands en bandaríski ævintýramaðurinn Chris Duff hyggst halda einnig leiðangri sínum frá Færeyjum áfram nú um helgina. Duff hóf leiðangur sinn í Skotlandi árið 2011, hann er einn á ferð á ferð og notast við árar, en auk þess segl og flugdreka og því ekki í keppni við áhöfnina á Auði um að verða fyrstur til að róa til Íslands.