Kona braust inn, eldaði sér morgunmat og var handtekin

Kona var handtekin fyrir innbrot í Colorado í gær eftir að hafa náðst við að elda sér morgunmat í húsinu sem hún braust inn í. Fréttamiðlar í Colorado greina frá.

Konan, sem heitir Josefina Gonsalez-Nieves og er tuttugu og sjö ára gömul, var í mestu makindum að elda sér ljúffengan morgunverð þegar maðurinn sem bjó í húsinu sem hún braust inn í vaknaði. Hann hringdi á lögregluna sem kom og handtók konuna. Þá kom í ljós að hún hafði reynt að brjótast inn annarsstaðar í hverfinu en hafi flúið vettvang eftir að húseigendur vöknuðu.

Maðurinn sem kom að konunni að elda sér morgunmat hélt henni þangað til að lögregla kom á vettvang.

Í fyrstu reyndi konan að ljúga til um nafn sitt. Við yfirheyrslur kom í ljós að hún átti langan glæpaferil að baki. Hún er nú vistuð í fangelsinu í El Paso í Texas.