Einn lést í skotárás á farþegaþotu í Pakistan

Skotárás var gerð í gærkvöldi á farþegaþotu sem var að koma inn til lendingar á flugvellinum í Peshawar í Pakistan í gærkvöldi. 178 voru um borð en vélin var að koma frá Ryadh í Sádí Arabíu. BBC greinir frá.

Ein kona sem var um borð lést og tveir úr áhöfninni særðust en flugmanni tókst að lenda vélinni heilu og höldnu þrátt fyrir að lendingin hafi verið hörð og slasað nokkra farþega.

Lögreglan á svæðinu segir að fimm kúlur úr vélbyssu hið minnsta hafi hitt vélina. Talið er líklegt að Talíbanar í landinu hafi staðið fyrir árásinni.