Varamenn Belga kláruðu Alsír

Belgar rifu sig upp á afturendanum í síðari hálfleik gegn Alsír og varamenn liðsins sáu til þess að liðið fékk þrjú stig í leiknum. Lokatölur 2-1 fyrir Belga.

Alsír komst óvænt yfir á 25. mínútu. Þá braut Jan Vertonghen, leikmaður Tottenham, af sér í teignum og það algerlega að ástæðulausu.

Sofiane Feghouli þakkaði Vertonghen fyrir með því að skora af öryggi úr vítinu. Þetta var fyrsta marki Alsír í 506 mínútur á HM. Talsverður léttir það.

Belgar gátu annars nákvæmlega ekki neitt í leiknum og sköpuðu ekkert. Þeir gátu varla spilað verr í síðari hálfleik.

Enda kom á daginn að Belgarnir rifu sig upp í síðari hálfleik. Það hlógu margir er Marouane Fellaini koma f bekknum á 65. mínútu. Hann gat náttúrulega ekkert með Man. Utd síðasta vetur.

Fellaini þaggaði niður í hlátrinum aðeins fimm mínútum síðar er hann jafnaði leikinn fyrir Belga með stórkostlegu skallamarki.

Annar varamaður, Dries Mertens, kom svo Belgum yfir tíu mínútum fyrir leikslok með góðu skoti í teignum eftir vel útfærða skyndisókn.

Alsír náði ekki að svara og Belgar fögnuðu þrem stigum í leikslok.