Neymar grét eftir að hafa hitt dreng í hjólastól

Stjarna Brasilíumanna, Neymar, sýndi tilfinningar sínar á æfingu Brasilíumanna í gær eftir að hafa hitt ungan dreng í hjólastól.

Strákarnir í liðinu spjölluðu við hann og hlustuðu á hans sögu.

Hún hafði mikil áhrif á hinn unga Neymar sem hágrét eftir að hafa hitt drenginn og átti hreinlega í vandræðum með að komast í gegnum æfinguna.

Félagar hans í landsliðinu voru þó duglegir að reyna að faðma hann og hressa hann við. Engu að síður tók það Neymar langan tíma að komast yfir þessa upplifun.

Myndirnar hafa vakið heimsathygli og fara nú sem eldur í sinu um netheima.