Bjargaði lífi sínu með því að keyra yfir á rauðu

Bandarískur lögreglumaður bjargaði nýverið lífi konu eftir að hafa stöðvað hana fyrir að keyra yfir á rauðu ljósi í Michigan-ríki. Atvikið náðist á myndband þar sem sést hvernig lögreglumaðurinn bregst við þegar pylsa hefur fests í hálsi konunnar og hún nær ekki andanum.

„Hún keyrði yfir á rauðu og ég hafði í raun ekki hugsað um að sekta hana, en ég hefði verið slæmur lögregluþjónn ef ég hefði ekki einu sinni stöðvað hana,“ sagði Jason Gates í samtali við foxnewsinsider.com.

Á myndbandinu sést hvernig Gates bregst hratt við þegar hann tekur eftir að hún á í vandræðum með andardrátt og ber hana með höndinni milli herðarblaðanna. Það dugar hins vegar ekki til svo hann hjálpar konunni úr bílnum og beitir Heimlich-takinu með góðum árangri. „Hún faðmað mig undir eins. Ég átti nú ekki endilega von á því,“ segir Gates.